Moeche 3-1 Monfero

Este domingo, 9 de Decembro, o Monfero visitou o campo do Moeche. Partido que se xogaba ás 16:00 da tarde.Correspondente á Xornada 10.

Os primeiros minutos non tiñan un dominante claro, pero co paso do tempo o Moeche foi quen colleu a manixa do encontro.No minuto 8' chegou xa o primeiro dos locais, por medio dun volea dende fóra da área,1-0.Cando se acercaba a media hora de partido,chegou o 2-0,logo dun pase en profundidade que aproveitou o dianteiro local.2 minutos mais tarde,o arbitro sinalou penalti a favor do Monfero por unhas maos dentro da área,o encargado de executalo era Pikos, que desaproveitou a oportunidade mandando o balón por encima do longueiro.No minuto 37' chegou o terceiro dos locais e practicamente a sentencia,sería logo dunha xogada de mala fortuna,na que Toñito meteu o balón na súa portería cando lle rebotou na perna despois dun centro dende a dereita,3-0.O único que se podía destacar do Monfero eran dúas ocasións de Dani e outra de Corta.O partido foise ao descanso co resultado de 3-0.

Na segunda parte cambiou todo claramente,despois de dous cambios,o Monfero colleu o dominio de partido,chegando con perigo á portería rival.O Moeche en toda a segunda metade só foi capaz de rematar unha vez á portería visitante.Aos 12 minutos,Losada, a un pase de Antón, poría de "cañito" o 3-1 e as esperanzas de remontada.O Monfero seguiu atacando,pero sen premio.

De novo,derrota do Monfero, que non consegue millorar a posición de último na clasificación.